ოპოზიციონერი დეპუტატი ვიქტორ დოლიძე "თავისუფალ დემოკრატებში" სოფლის მეურნეობის ყოფილი მინისტრის, დავით კირვალიძის შესაძლო გაწევრიანებას მიესალმება. როგორც ჟურნალისტებს დოლიძემ განუცხადა, კირვალიძე მისი მეგობარია, რომელიც თავისი საქმის დიდი პროფესიონალია. "ამ თემაზე დავითთან საუბარი არ მქონია, მაგრამ თუ ის ჩვენს რიგებში გაწევრიანდება, ამას მხოლოდ მივესალმები",- დასძინა დოლიძემ. დავით კირვალიძის "თავისუფალ დემოკრატებში" შესაძლო გაწევრიანებაზე შეფასება პარტიის ლიდერმა, ირაკლი ალასანიამ გააკეთა.
