გაზპრომის ხელმძღვანელთან შეხვედრის შემდეგ საქართველოს ენერგეტიკის მინისტრი ლუქსემბრუგიდან დღეს ბრუნდება თბილისში. ტრანზიტთან დაკავშირებით გაზპრომთან გამართულ მოლპარაკებებს დადებითად აფასებენ უმრავლესობის წევრები.
მათი შეფასებით, რაც მეტი გაზი გაივლის ტრანზიტულად, მით მეტი თანხა შევა საქართველოს ბიუჯეტში.
ოპოზიცია გარკვეულ საფრთხეებზე საუბრობს და მოლაპარაკებების დეტალების გასაჯაროებას მოითხოვს.
„მოლაპარაკებები მიმდინარეობს საზოგადოების თვალს მიღმა, ეს ყოველთვის არის ძალიან მძიმე და მთავრდება ძალიან ცუდად. საქართველოს ერთხელ უკვე გამოცდილი აქვს რას ნიშნავს იყო დამოკიდებული რუსულ გაზზე,“ - განაცხადა პავლე კუბლაშვილმა.
მოლაპარაკებები ენერგეტიკის მინისტრსა და გაზპრომის ხელმძღვანელს შორის ლუქსემბურგში გაიმართა.
ამ ეტაპზე მხოლოდ ის არის ცნობილი, რომ თბილისი გაზპრომისგან სომხეთისთვის ბუნებრივი აირის ტრანზიტის სანაცვლოდ, გაზის დამატებით მოცულობას ითხოვს.
