აშშ-ში ვიზიტად მყოფი "ერთიანი ნაციონალური მოძრაობის" წევრები შეერთებული შტატების კონგრესის წარმომადგენელთა პალატის წევრ დევიდ პრაისსა და კონგრესმენ მარიო დიაზ-ბალარტს შეხვდნენ.
"ერთიანი ნაციონალური მოძრაობის" პრესსამსახურის ინფორმაციით, შეხვედრაზე საუბარი საქართველოს სუვერენიტეტისა და დემოკრატიის საკითხებს შეეხო.
პარტიის ლიდერებმა შეხვედრის შემდეგ აღნიშნეს, რომ სამწუხაროდ საქართველოს მთავრობა არ მუშაობს ქვეყნისთვის მნიშვნელოვანი საკითხების აშშ-ს კონგრესში წამოსაწევად. ერთადერთი რითაც ისინი ყურადღებას იპყრობენ, ესაა სიტყვის თავისუფლების დევნა, პოლიტიკური ოპონენტების დევნა და დემოკრატიული გარემოს გაუარესება.
