სავიზო ლიბერალიზაციასთან დაკავშირებით შემუშავებულ მიმართვას, რომელიც ევროსტურქტურებს უნდა გადაეგზავნოთ, „ქართული ოცნება“ არ უერთდება.
მიმართვას ხელს აწერს 17 ძირითადი პოლიტიკური პარტია, მათ შორის მმართევლ კოალიციაში შემავალი „რესპუბლიკური პარტია“. თუმცა, კოალიციის ძირითადი პარტია ამ დოკუმენტს ხელს არ აწერს. მათი უარის ოფიციალური მიზეზი უცნობია.
დოკუმენტი ევროსტრუქტურებს მათი ხელმოწერის გარეშე მაინც გაეგზავნება.
სავიზო ლიბერალიზაციასთან დაკავშირებით პოლიტიკური პარტიები მიმართვის ერთობლივი ტექსტი, რომლითავ ევროკომისიის, ევროპარლამენტის, ევროკავშირის საბჭოს, ევროპული საბჭოს და ევროკავშირის საგარეო ურთიერთობათა სამსახურს მიმართავენ, დღეს საქართველოში ევროკავშირის წარმომადგენლობის ხელმძღვანელს იანოშ ჰერმანს გადაეცა.
