მომავალი წლის მთავარ საფინანსო დოკუმენტს დეპუტატები ხუთშაბათის ან პარასკევის სესიაზე დაამტკიცებენ. განხილვაში მონაწილეობას ფინანსთა მინისტრი მიიღებს. ცნობილია, რომ საშემოსავლო ნაწილი 225 მილინი ლარითაა გაზრდილი. აქედან დაახლოებით 90 მილიონი პენსიებისთვის გამოიყო, რაც მომავალი წლის 1 ივლისიდან პენსიების 20 ლარით გაზრდას ითვალისწინებს. 2016 წლის ბიუჯეტის პროექტთან დაკავშირებით შენიშვნები აქვთ ნაციონალურ მოძრაობაში. საპარლამენტო უმცირესობაში მიიჩნევენ, რომ პროექტი არა ხალხზე, არამედ მთავრობის წარმომადგენლების ხელფასების ზრდაზეა ორიენტირებული.
