საარჩევნო პროგრამით გათვალისწინებული ბევრი მნიშვნელოვანი საკითხი შესრულებულია. ამის შესახებ თბილისის მერმა დავით ნარმანიამ წლის შედეგების შეჯამებისას განაცხადა.
„ჩვენ, ერთი წლის განმავლობაში, შევძელით საარჩევნო პროგრამით გათვალისწინებული ბევრი მნიშვნელოვანი საკითხის შესრულება“, - განაცხადა ნარმანიამ.
მან ასევე აღნიშნა, რომ არსებული გამოწვევები, რომლის წინაშეც დედაქალაქის მერია დგას აუცილებლად დაიძლევა.
„ცხადია, ვდგავართ რიგი გამოწვევის წინაშე და დარწმუნებული ვარ, ერთობლივი ძალისხმევით აუცილებლად დავძლევთ ყველა პრობლემას“, - განაცხადა ნარმანიამ.
