საქართველოს საკონსტიტუციო სასამართლოს თავმჯდომარე გიორგი პაპუაშვილი კიევში კონფერენციას, თემაზე "საკონსტიტუციო რეფორმა: შედეგები და პერსპექტივები" ესწრება.
კონფერენციაზე ორ მთავარ საკითხზე - უკრაინის დეცენტრალიზაციასა და სასამართლო სისტემის რეფორმაზე მსჯელობენ.
ღონისძიება უკრაინის რადას თავმჯდომარემ ვლადიმირ გროისმანმა, უკრაინის პრეზიდენტის წარმომადგენელმა რადაში სტეფან კუბრივმა, ევროპის საბჭოს საპარლამენტო ასამბლეის პრეზიდენტმა ანა ბრასერმა, ევროპის საბჭოს გენერალური მდივნის წარმომადგენელმა უკრაინის საკითხებში კრისტოს ჯიაკომოპულოსმა და საქართველოს საკონსტიტუციო სასამართლოს თავმჯდომარემ გახსნეს.
შეხვედრაში გიორგი პაპუაშვილი მონაწილეობს. როგორც უკრაინაში საკონსტიტუციო ცვლილებებთან დაკავშირებით ვენეციის კომისიის ექსპერტი. ერთდღიანი კონფერენცია ღიაა მასმედიისთვის.
ღონისძიება უკრაინის უმაღლესი რადას, ევროსაბჭოსა და ევროკავშირის მიერ არის ორგანიზებული.
