პარლამენტის ვიცე-სპიკერი მანანა კობახიძე ბრაზილიის ეროვნული კონგრესის დეპუტატთა პალატის კონგრესმენებს კლაუდიო კაჟადოს და ანტონიო იმბასაის შეხვდა.
საკანონმდებლო ორგანოს პრესსამსახურის ინფორმაციით, მხარეებმა ორ ქვეყანას შორის არსებულ ურთიერთობებზე ისაუბრეს.
კობახიძის შეფასებით, ძალიან მნიშვნელოვანია, რომ რეგიონში ლიდერი ქვეყანა, საქართველოს ტერიტორიული მთლიანობის კიდევ ერთხელ ადასტურებს და არაღიარების პოლიტიკას მხარს უჭერს.
„დევნილთა პრობლემებზე ვისაუბრეთ და სტუმრებს ვთხოვეთ, რომ დევნილთა და ლტოლვითა მშვიდობიანი დაბრუნების თაობაზე გაერო-ს რეზოლუციას მხარი დაუჭირონ. მათ საქართველოს პრობლემა ძალიან კარგად ესმით. სტუმრებმა დაინტერესება გამოთქვეს, რომ პარლამენტებმა ხელი შეუწყონ ორ ქვეყანას შორის ურთიერთობების გაღრმავებას სავაჭრო-ეკონომიკურ სფეროში, კულტურის სფეროში, განათლების სფეროში. მათ განსაკუთრებით ტურიზმის სფეროში ორმხრივი ურთიერთოებების გაღრმავება აინტერესებთ“, - დასძინა კობახიძემ.
