საქართველო ულოცავს მონტენეგროს NATO-ში მიწვევის მიღებას. ამის შესახებ ნათქვამია საქართველოს საგარეო უწყების განცხადებაში.
„ქართული მხარე ულოცავს მონტენეგროს ალიანსში მიწვევის მიღებას”, - აღნიშნულია განცხადებაში.
საგარეო უწყება აცხადებს, რომ ამ გადაწყვეტილებით ალიანსმა დაადასტურა „ღია კარის" პოლიტიკის ერთგულება.
"ამ გადაწყვეტილებით მოკავშირეებმა კვლავ დაადასტურეს ერთგულება „ღია კარის" პოლიტიკის მიმართ, რამაც ბოლო ათწლეულების განმავლობაში მნიშვნელოვნად შეუწყო ხელი ევროპაში უსაფრთხოების განმტკიცებას და მის დემოკრატიულ განვითარებას”, - აცხადებს საგარეო საქმეთა სამინისტრო.
