აღმასრულებელი ხელისუფლების წევრის მხრიდან მოსამართლის ხელფასის და დანამატის შეფასება არ იქნება სწორი, - ამის შესახებ იუსტიციის მინისტრმა, თეა წულუკიანმა იმ ინფორმაციის შეფასებისას განაცხადა, რომლის თანახმადაც უზენაესი სასამართლოს თავმჯდომარე ნინო გვენეტაძემ აგვისტოში დანამატის სახით 10 203 ლარი აიღო.
წულუკიანმა აღნიშნა, რომ მისი მხრიდან მოსამართლის ხელფასისა და დანამატის შეფასება სწორი არ იქნება.
„ეს არ არის ის საკითხი, რომელიც უნდა შევაფასოთ, რადგან აღმასრულებელი ხელისუფლების წევრის მხრიდან მოსამართლის ხელფასის და დანამატის შეფასება არ იქნება სწორი“, - განაცხადა იუსტიცის მინისტრმა.
მედიაში დღეს გავრცელებული ინფორმაციის თანახმად, მიმდინარე წლის რვა თვეში უზენაესი სასამართლოს თავმჯდომარე ნინო გვენეტაძემ სახელფასო დანამატის სახით 30 000 ლარზე მეტი აიღო. რაც შეეხება აგვისტოს, მან დანამატის სახით 10 203 ლარი მიიღო.
