აფხაზეთი ყოველთვის, ისტორიული ეპოქისთვის დამახასიათებელი ფორმით შეადგენდა საქართველოს განუყოფელ ნაწილს, ნათქვამია ილია ჭავჭავაძის საზოგადოების განცხადებაში, რომელსაც მისი თავმჯდომარე თამარ ჩხეიძე ავრცელებს.
“ილია ჭავჭავაძის საზოგადოება პროტესტს აცხადებს მინისტრ ზაქარეიშვილის მორიგი ანტიქართული განცხადების გამო.თეორია იმის შესახებ, რომ თითქოს აფხაზეთი მხოლოდ საბჭოთა პერიოდში იყო საქართველოს შემადგენლობაში, ოკუპანტის, დიახ სწორედ ოკუპანტის და არა ზაქარეიშვილის მიერ შეთხზული სრული აბსურდია, რომელსაც, რა თქმა უნდა, არავითარი საერთო არა აქვს ისტორიულ ჭეშმარიტებასთან. აფხაზეთი ყოველთვის, ისტორიული ეპოქისთვის დამახასიათებელი ფორმით შეადგენდა საქართველოს განუყოფელ ნაწილს,ზუსტად ისევე, როგორც მაგალითად, კახეთი, იმერეთი და ა.შ.საგანგაშოა, როდესაც რუსი დამპყრობლის მიერ ჩვენი მიწების მისატაცებლად შეთხზულ თავხედურ სიყალბეს საქართველოს მინისტრი იმეორებს. დაუშვებელია ასეთი განცხადების შემდეგ ზაქარეიშვილის თანამდებობაზე დატოვება. მოვითხოვთ ზაქარეიშვილმა დაუყოვნებლივ დატოვოს თანამდებობა!“, - აღნიშნულია განცხადებაში.
