პრემიერ-მინისტრი მედიასაშუალებებს მოუწოდებს მთავრობის მიერ გაჟღერებული სიახლეები მოსახლეობამდე მიიტანონ, - ამის შესახებ მან მთავრობის დღევანდელ სხდომაზე, ფინანსთა მინისტრის მიერ 2016 წლის ბიუჯეტის ზრდასთან დაკავშირებით გაკეთებული განცხადების შემდეგ განაცხადა.
"ამას მე მგონი ისევ ჩვენ შორის ვლაპარაკობთ. მე მგონი აქ მედია ტყუილად დგას. მინდა მედიასაშუალებებს თხოვნით მივმართო, რომ ეს ინფორმაცია მოსახლეობას მიაწოდეთ. ეს არის ძალიან მნიშვნელოვანი, რომ ჩვენ მოსახლეობას ანგარიშს ვაბარებთ და გთხოვთ ეს ყველაფერი გაითვალისწინოთ", - განაცხადა ღარიბაშვილმა.
ნოდარ ხადურმა დღეს განაცხადა, რომ მომავალი წლის ბიუჯეტი 10 მილიარდ 145 მილიონი ლარი იქნება. „მინდა, მაკროეკონომიკური პარამეტრები წარმოგიდგინოთ. მომავალი წლის ბიუჯეტი გადააჭარბებს უკვე 10 მილიარდ ლარს და 10 მილიარდ 145 მილიონი ლარი იქნება. ეს არის ის პარამეტრი, რომელზეც ჩვენ უკვე ავაგეთ ეს ბიუჯეტის პროექტი და წარვადგენთ საქართველოს პარლამენტში“, - განაცხადა ხადურმა.
მისივე თქმით, 2012 წლის ბიუჯეტი 8 მილიარდზე ნაკლები იყო დაშესაბამისად იგი 2 მილიარდით არის გაზრდილი.
