გვაქვს გეგმაში წინასწარი პატიმრობის გაუქმება ეკონომიკურ დანაშაულზე და მსუბუქ დანაშაულებზეც კი, - განაცხადა ერთიანი ნაციონალური მოძრაობის საგარეო ურთიერთობათა მდივანმა, გიგა ბოკერიამ გადაცემა თეორემაში.

ავტორის კითხვას, როგორ აპირებს გაუმკლავდეს მისი პოლიტიკური გუნდი შიშს, რომ მათი ხელისუფლებაში დაბრუნების შემთხვევაში ბიზნესმენები აღმოჩნდებიან კვლავ ძლიერი სახელმწიფო სისტემის წინაშე, რომელთან მოგებაც მათ გაუჭირდებათ, მათ შორის სასამართლოში, გიგა ბოკერიამ უპასუხა: 

ჯერ ერთი ისეთი მანდატი, რაც რევოლუციის შემდეგ ქვქონდა შეუძლებელია, რომ ახლა ვინმეს ჰქონდეს, პირიქით, აქ ალბათობა არსებობს, რომ საერთოდ ძალიან რთული და არასასიამოვნო კოალიცების აუცილებლობა დადგეს, განსხვავებულ პოლიტიკურ ძალებს შორის. ბუნებრივია, იმ ძალებს შორის, რომლებიც პუტინის ორბიტაზე არ ტრიალებენ ან ივანიშვილის ორბიტაზე. უკვე ეს არის განსხვავება, თუმცა რაც შეეხება ნაციონალურ მოძრაობას, მთავარი გზავნილი, რაზეც უფრო მეტი უნდა ვიმუშავოთ, რომ ეს ამბავი მივიტანოთ, არის იმ შემოთავაზებებში, რომელიც ჩვენ გვაქვს იმ გეგმაში და პროგრამაში რაც ვთქვით. ანუ, ვინმეს ნდობაზე ან პერსონებზე კი არ უნდა იყოს ლაპარაკი, არამედ ინსტიტუციონალური მოწყობა ფუნდამენტურად უნდა ამცირებდეს ნებისმიერ რისკს და ჩვენი ერთ-ერთი მთავარი ინიციატივა არის დეკრიმინალიზაცია საერთოდ ეკონომიკური დანაშაულის, წინასწარი პატიმრობის გაუქმება ეკონომიკურ დანაშაულზე და მსუბუქ დანაშაულებზეც კი. ასევე დიდი ოდენობების ქვემოთ, ვთქვათ 500 000-ზე ნაკლებზე და საერთოდ, სისხლის სამართლებრივ დევნაზე უარის თქმა, ნაფიც მსაჯულთა ინტიტუტის გაფართოვება, რაც ჩვენ დავიწყეთ, მაგარმ ნელა ვაკეთებდით და ასევე ძალიან კონტრავერსიალური გადაწყვეტილება, რომელიც ჩვენ პროგრამაში არის, იმის აღიარებით, რომ ჩვენ დავკარგეთ ბევრი დრო დამოუკიდებელი სასამართლო სისტემის ტრადიციის შექმნის თვალსაზრისით, რომ უცხოელი მოსამართლეები მოვიწვიოთ, სააპელაციო და უზენაესი სასამართლოს დონეზე. ბევრი სხვა ნაბიჯია იქ, გამჭირვალობა პრეცენდენტების და წინასწარ წარდგინება, რითაც ჩვენ სწორედ იმის დემონსტრირებას ვახდენთ, რომ ეს დაკვეთა ამომრჩევლის იმ მნიშვნელოვან შეცდომებთან დაკავშირებით, რომლებიც დავუშვით ამ თვალსაზრისით მიღებული გვაქვს და ვმუშაობთ სწორედ იმაზე, რომ სისტემამ ეს გამორიცხოს, გარდა იმისა, რომ ჩვენ გვაქვს ეს პოლიტიკურად შეგნებული", - განაცხადა ბოკერიამ.