იტალიამ ევროკავშირთან საქართველოს ასოცირების ხელშეკრულების რატიფიცირება მოახდინა. აღნიშნულ ინფორმაციას საგარეო საქმეთა სამინისტროს პრესსამსახური ავრცელებს.
იტალია ერთ-ერთი ბოლო ქვეყანაა, სადაც ასოცირების ხელშეკრულების რატიფიცირება მოხდა. 18 ნოემბერს დოკუმენტის რატიფიცირება საბერძნეთში განხორციელდა.
ევროკავშირთან გაფორმებული ასოცირების ხელშეკრულების სრულად ასამოქმედებლად ევროკავშირის წევრი ქვეყნების პარლამენტების მიერ დოკუმენტის რატიფიცირებაა საჭირო.
ევროკავშირის ქვეყნების უმრავლესობამ დოკუმენტის რატიფიცირება უკვე მოახდინა.
