ლონდონში საერთაშორისო საზღვაო ორგანიზაციის ასამბლეის 29-ე სესიის ფარგლებში საქართველოს ეკონომიკისა და მდგრადი განვითარების მინისტრმა დიმიტრი ქუმსიშვილმა პირისპირ შეხვედრა გამართა მალტის ტრანსპორტისა და ინფრასტრუქტურის მინისტრ ჯო მიცისთან. შეხვედრაზე მინისტრებმა განიხილეს საზღვაო მიმართულებით ურთიერთობების გაღრმავების საკითხები - მალტის ტრანსპორტისა და ინფრასტრუქტურის მინისტრმა ამ საკითხთან მიმართებაში პოზიტიური პოზიცია დააფიქსირა. შეხვედრამ მეგობრულ ატმოსფეროში ჩაიარა, ყურადღება გამახვილდა საზღვაო სფეროში ორ ქვეყანას შორის თანამშრომლობის გაღრმავების საკითხზე.
„მნიშვნელოვანია ჩვენი მეზღვაურების დასაქმება - ყველა ის სახელმწიფოები, რომლებსაც ჩვენ შევხვდებით, მნიშვნელოვანი დამსაქმებლები არიან“, - აღნიშნა დიმიტრი ქუმსიშვილმა.
