მთავრობამ მთავარი პროკურორის პოსტზე ირაკლი შოთაძის კანდიდატურა პარლამენტს დღეს, ოფიციალურად წარუდგინა.
ბიუროს დღევანდელ სხდომაზე აღინიშნა, რომ საკითხზე წამყვანი კომიტეტი იურიდიულ საკითხთა კომიტეტი იქნება, ხოლო სავალდებულო ადამიანის უფლებათა დაცვის კომიტეტი.
პარლამენტის თავმჯდომარის, დავით უსუფაშვილის განცხადებით, მთავრობის სურვილი იყო, რომ ამ საკითხის განხილვა მიმდინარე კვირას მოხდეს.
„თუ ეს ასეა, მაშინ ჩვენ კომიტეტების ფორმატში შოთაძის მოსმენა ოთხშაბათს უნდა დავგეგმოთ, ხოლო ფრაქციების შეხვედრა - ხუთშაბათს“, - განაცხადა უსუფაშვილმა.
