საქართველოს ეკონომიკისა და მდგრადი განვითარების მინისტრი ლონდონში საერთაშორისო საზღვაო ორგანიზაციის ასამბლეის 29-ე სესიაში მონაწილეობს. დიმიტრი ქუმსიშვილმა მსოფლიოს სხვადასხვა საზღვაო სახელმწიფოების დელეგაციების ხელმძღვანელებთან ორმხრივი შეხვედრები გამართა. გაიმართა შეხვედრები საფრანგეთის, მალტის, საბერძნეთისა და კვიპროსის დელეგაციების ხელმძღვანელებთან. განხილვის მთავარი თემები იყო ევროკავშირის ქვეყნების დროშის ქვეშ მცურავ გემებზე ქართველი მეზღვაურების დასაქმების ხელშეწყობა და ქართული დროშით ევროკავშირის გემთმფლობელთა დაინტერესება. აღინიშნა, რომ საქართველომ ბოლო 3 წლის განმავლობაში მნიშვნელოვან პროგრესს მიაღწია საზღვაო სფეროს რეფორმირების მიმართულებით, რისი გამოხატულებაც იყო ის ფაქტი, რომ ევროკომისიის მიერ საქართველში გაცემული მეზღვაურთა კომპეტენციის დამადასტურებელი დოკუმენტაციის ხელახლა აღიარების გამო ქართველ მეზღვაურებს ევროკავშირის დროშის ქვეშ მცურავ გემებზე მუშაობის უფლება მიეცათ.
