„ქართული ოცნების“ პოლიტსაბჭოს სხდომზე უზენაესი საბჭოს წევრთა პენსიების გადახედვასა და კომპენსაციებზე იმსჯელეს. შეხვედრის დასრულების შემდეგ ჟურნალისტებთან კომენტარი საპარლამენტო უმრავლესობის ლიდერმა ზვიად კვაჭანტირაძემ გააკეთა. მისი განცხდებით, სხდომაზე გადაწყდა, რომ საკითხს ხელისუფლება შეისწავლის და ისეთ გადაწყვეტილებას მიიღებს, რომელიც დამოუკიდებლობის აქტზე ხელმომწერი უზენაესი საბჭოს წევრებისთვის მისაღები იქნება. ჯგუფის წევრების ერთ-ერთი მოთხოვნაა, მათი პენსია არა მხოლოდ გათანაბრებული იყოს პარლამენტის ყოფილი წევრის პენსიასთან, არამედ ჰქონდეთ 75%-იანი კომპენსაციაც, რომელიც მოქმედი პარლამენტის წევრის ხელფასის ტოლი იქნება.
