,,საქართველოს განვითარების ფონდის“ დამფუძნებელი პაატა ბურჭულაძე ქვეყანაში დაბრუნდა და ფონდის აღმასრულებელ დირექტორ ვანო მაჭავარიანთან ერთად სამუშაო შეხვედრა გამართა. შეხვედრას საქართველოს განვითარების ფონდის წევრი ხათუნა ლაგაზიძე, დავით ჯანდიერი და გიორგი რუხაძე ესწრებოდნენ.
თბილისში დაბრუნებულმა პაატა ბუჭულაძემ დღეს პირველი კომენტარი გააკეთა, მას შემდეგ, რაც მედიაში, რამდენიმე დღის წინ ფონდის დაფუძნების შესახებ ინფორმაცია გავრცელდა.
“მიხარია, რომ ფონდის ირგვლივ საზოგადოების ინტერესი მაღალია.
საქართველოს განვითარების ფონდის ჩამოყალიბების ძირითადი საფუძველი არის, ადამიანი, მისი დაცვა და განვითარება. უახლოეს დღეებში დაგეგმილი მაქვს სამუშაო შეხვედრები, როგორც ქვეყნის შიგნით ასევე, მის ფარგლებს გარეთ. შევხვდები მექნება საზოგადოებრივ ჯგუფებთან, სხვადასხვა პროფესიის ადამიანებთან. ფონდის მიზნებზე, ამოცანებზე და სამოქმედო გეგმაზე, საქართველოს განვითარების ფონდის ოფიციალურ პრეზენტაციაზე, უფრო დეტალურად, დეკემბერში, ვისაუბრებ. “ - განაცხადა დღეს საქართველოს განვითარების ფონდის დამფუძნებელმა პაატა ბურჭულაძემ.
