„საქართველოს განვითარების ფონდის“ დამფუძნებელი პაატა ბურჭულაძე მის პოლიტიკურ ასპარეზზე გადანაცვლებასთან დაკავშირებით გავრცელებულ ინფორმაციას, არც უარყოფს და არც ადასტურებს.
როგორც შესაბამის კითხვაზე მან ჟურნალისტებს განუცხადა, ისე გახდა ცნობილი მომღერალი, რომ საოპერო მომღერლობაზე არ უოცნებია.
„მე არასდროს მიფიქრია ვყოფილიყავი ოპერის მომღერალი, მაგრამ ცხოვრებამ მომცა ამის შანსი, რომელიც გამოვიყენე. არასდროს მინდოდა ვყოფილიყავი ქველმოქმედი, მაგრამ ცხოვრებამ შექმნა ეს პირობები, რომ უნდა გავმხდარიყავი ქველმოქმედი. დღესდღეობით მე ჩამოვაყალიბე ფონდი, არ უარვყოფ, არც კის გეუბნებით და არც - არას, თუ ცხოვრება მანახებს, რომ ეს არის ჩემი გზა, ამას აუცილებლად გავაკეთებ“,- განაცხადა ბურჭულაძემ.
რაც შეეხება მის კონსულტაციებს ყოფილ პრემიერთან, ბურჭულაძემ აღნიშნა, რომ მას კონსულტაცია ყველასთან ჰქონდა და მომავალშიც გეგმავს.
ჟურნალისტები დაინტერესდნენ, გამორიცხავს თუ არა ის საპრეზიდენტო არჩევნებში კენჭი იყაროს. ბურჭულაძემ აღნიშნა, რომ ის გამორიცხავს დღეს ამ თემაზე საუბარს.
აღსანიშნავია, რომ მომავალ წელს ყველა საკონცერტო კონტრაქტი ბურჭულაძემ გააუქმა. მსოფლიო ბანმა, „საქართველოს განვითარების ფონდი“ დაახლოებით ორი კვირის წინ დააფუძნა.ფონდის აღმასრულებელი დირექტორია ვანო მაჭავარიანია.
„საქართველოს განვითარების ფონდის“ დამფუძნებელი პაატა ბურჭულაძე პირველ სამუშაო შეხვედრას ამ წუთებში მართავს. შეხვედრას „თბილის მარიოტში“ გიორგი რუხაძე, ვანო მაჭავარიანი, ხათუნა ლაგაზიძე და დავით ჯანდიერი ესწრებიან.
