" ოცნების მონოპოლიზირებული პროკურატურა" - "თავისუფალი დემოკრატების" ახალგაზრდულმა ორგანიზაციამ იუსტიციის სამინისტროსთან საპროტესტო აქცია გამართა. აქციის მონაწილეებს თან ჰქონდათ პლაკატები წარწერებით "ჩაწყობილი არჩევნები" ,,ვერგანხორციელებული დეპოლიტიზაცია" ,,სტრასბურგიდან ელიტა-ბურჯამდე" ,,იპოვე ერთი განსხვავება მაინც" ,,წულუკიანი გამპრავებელი" ,,მარიონეტები" ,,მართული გენპროკურორი".
ახალგაზრდა "თავისუფალი დემოკრატები" მთავარი პროკურორობის ერთ-ერთ კანდიდატად ირაკლი შოთაძის წარდგენას აპროტესტებენ. ,,ეს პროცესები არის მართული და მექანიზმი, რომელიც შეიქმნა არის პოლიტიზირებული. არჩევნები რომელსაც იუსტიციის სამინისტრო ატარებს არის ფარსი. შოთაძე მმართველი კოალიციის პოლიტიკის შემსრულებელია. ირღვევა ყველა ის სტანდარტი, რომელიც ევროკავშირმა დააწესა. შოთაძე არის ის კადრი, რომელიც ივანიშვილთან კაბელით არის დაკავშირებული," - განაცხადა ახალგაზრდა ,,თავისუფალი დემოკრატები"_ს თავმჯდომარე ნინო ფრუიძემ.
