პარლამენტის წევრი ირაკლი სესიაშვილი მიიჩნევს, რომ ვიზა-ლიბერალიზაციის მიღების შემდეგ, საქართველოში ევროკავშირში გაწევრიანების მომხრეთა რაოდენობა გაიზრდება.
როგორც ჟურნალისტებს „ევრაზიის თანამშრომლობის ფონდის“ მიერ ჩატარებული კვლევის შედეგებთან დაკავშირებით სესიაშვილმა განუცხადა, მოსახლეობა საქართველოს ევროატლანტიკურ სივრცესთან ურთიერთობას აკვირდება და გარკვეული მოლოდინები უჩნდება.
მისი თქმით, მოსახლეობა უშუალოდ დაინახავს, რომ ევროკავშირიდან წამოსული სიკეთეები მათაც შეეხებათ.
„მოსახლეობას მეტი განცდა და სურვილი ექნება, რომ ევროკავშირში ჩვენი ინტეგრაცია მეტად მოხდეს. ევროკავშირში გაწვერიანების მომხრეთა რაოდენობა ყოველთვის მატება-კლების პროცესში იყო“, - განაცხადა სესიაშვილმა.
კვლევის მიხედვით, 2013 წლის შემდეგ, საქართველოს ევროკავშირში გაწევრიანების მომხრეთა რაოდენობა 78 პროცენტიდან 61 პროცენტამდე შემცირდა.
