საპარლამენტო უმრავლესობის წევრი ირაკლი სესიაშვილი უსაფრთხოების საბჭოს სხდომასთან დაკავშირებით, ოპოზიციის შეფასებებს ეხმაურება და ამბობს, რომ ოპონენტები „ბნელ ოთახში შავ კატას ეძებენ“.
როგორც ჟურნალისტებს სესიაშვილმა განუცხადა, ოპოზიციას სალაპარაკო არაფერი დარჩა და ისინი კრიტიკას-კრიტიკისთვის იყენებენ, რათა როგორღაც ტელევიზორში გამოჩნდნენ და ხალხს დაენახონ.
„ოპოზიცია მუდმივად პროლემების ძიებაშია და ბნელ ოთახში შავ კატას ეძებს, სადაც კატა არ არის. ეს მათი არჩევანია და ხელისუფლების ამოცანაა, რომ საქმე გავაკეთოთ და ყველა პრობლემაზე ადეკვატური რეაგირება გვქონდეს“, - განაცხადა სესიაშვილმა.
პარიზში მომხდარ ტერორისტულ აქტებთან დაკავშირებით, დღეს, უსაფრთხოებისა და კრიზესების მართვის საბჭოს სხდომა გაიმართა.
