თავდაცვის მინისტრის მოადგილის, დავით ებრალიძის განცხადებით, საქართველოში უსაფრთხოების თვალსაზრისით, რაიმე განსაკუთრებული ხიფათი არ არსებობს.
როგორც ჟურნალისტებს ებრალიძემ განუცხადა, პარიზში მომხდარი ტერორისტული აქტიდან გამომდინარე, ხელისუფლება ვალდებულია, რიგი საკითხები კიდევ ერთხელ გაიაზროს.
„უნდა გადავაანალიზოთ, რა მოხდა, ასევე რა არის საჭირო და გასაძიერებელი. ამ თვალსაზრისით, მუშაობა მიმდინარეობს“, - დასძინა ებრალიძემ.
დავით ებრალიძე დღეს, პარლამენტის თავდაცვის კომიტეტის სხდომას დაესწრო, რომელსაც ნატოს ქვეყნის სამხედრო ატაშეები ესწრებოდნენ.
