კულტურის სამინისტროში სახელფასო დანამატი 1509%-ით არის გაზრდილი. ამის შესახებ „რუსთავი 2“-ის გადაცემა „არჩევანში“ სახელმწიფო აუდიტის სამსახურის ხელმძღვანელმა ლაშა თორდიამ განაცხადა.
თორდიას განცხადებით, ცალკეულ სამინისტროებშო, დანამატები და პრემიები წინასწარ არის გაწერილი.
"არ შეიძლება, განისაზღვროს, რომ ადამიანი ღამის ცვლაში იმუშავებს ან დამატებით სამუშაოს შეასრულებს," - განაცხადა ლაშა თორდიამ.
თორდიამ დაასახლეა ის სამინისტროები სადაც საგრძნობლად არის გაზრდილი დანამატების გაცემა მიმდინარე წელს: იუსტიციის სამინისტროში - 206%; სასჯელაღსრულების სამინისტროში - 412%; დევნილთა სამინისტროში - 35%; ჯანდაცვის სამინისტროში კი - 270%, რეგიონალური განვითარებით სამინისტროში - 69%;
სახელმწიფო აუდიტის სამსახურის ხელმძღვანელმა ასევე აღნიშნა, რომ მიმდინარე წელს ხელფასი, ფულადი ფორმით პრემია, შემცირდა 31 მილიონით, ხოლო ხელფასი, ფულადი ფორმით დანამატი, გაიზარდა 45 მილიონით.
როგორც თორდიამ საუბრის დროს აღნიშნა, ეს ჩანაწერები ბიუჯეტშია მოცემული.