რუსეთმა „ისლამურ სახელმწიფოზე“ მასირებული საავიაციო დარყმები გააორმაგა. ამის შესახებ რუსეთის თავდაცვის მინისტრმა სერგეი შოუგუმ რუსეთის პრეზიდენტს ვლადიმერ პუტინს მოახსენა.

მისი თქმით, რუსეთი სირიაში ტერორისტების ობიექტებს მასირებულად ბომბავს.

„ფრენების რაოდენობა ორჯერ გაიზარდა, რაც შესაძლებლობას გვაძლევს გავზარდოთ წერტილოვანი დარყმები ისლამური სახელმწიფოს ობიექტებზე სირიის ტერიტორიის სიღმეში“, - განაცხადა შოიგუმ.

სირიაში სპეციპოერაციაში რუსეთის მხრიდან ჩართულია სტრატეგიული ბომდამშენები TU-160, Tu-95MS da TU-22.

რუსული მხარე აცხადებს, რომ მათმა მოქმედებამ სირიის ჯარებს შეტევაზე გადასვლის შესაძლებლობა მისცა.

შეგახსენებთ, რომ რუსეთის პრეზიდენტმა ვლადიმერ პუტინმა ეგვიპტეში რუსეთის კუთვნილი სამგზავრო თვითმფრინავის ჩამოგდების გამო მკაცრი განცხადებები გააკეთა.

ეგვიპტეში რუსეთის თვითმფრინავის - А321-ის მიმართ ტერაქტი განხორციელდა. ამის შესახებ რუსეთის უსაფრთხოების ფედერალური სამსახურის უფროსმა ალექსანდრ ბორტნიკოვმა პრეზიდენტ პუტინთან შეხვედრისას განაცხადა.

„ჩვენი სპეციალისტების შეფასებით, თვითმფრინავის ბორტზე, ფრენის პროცესში ამუშავდა 1 კგ ტროტილის ეკვივალენტის თვითნაკეთი აფსაფეთქებელი მოწყობილობა, რის შედეგადაც მოხდა თვითმფრინავის ჰაერში „გახლეჩა“, სწორედ ამით აიხსნება, თვითმფრინავის  ნაწილების დიდ ტერიტორიაზე მიმოფანტვა“, - განაცხადა პორტნიკოვმა.

რუსეთის პრეზიდენტმა საპასუხოდ აღნიშნა, რომ ამ სისხლიანი დანაშაულის ჩამდენი ყველა პირი გამოვლინდება და მკაცრად დაისჯება.

უნდა აღინიშნოს, რომ „ისლამურმა სახელმწიფომ“ ორჯერ გაავრცელა განცხადება, რომლითაც ეგვიპტეში რუსეთის თვითმფრინავის ჩამოგდებაზე პასუხიმგებლობა აიღო.

31 ოქტომბერს ეგვიპტეში რუსეთის სამგზავრო თვითმფრინავი ჩამოვარდა. დაიღუპა 217 მგზავრი და ეკიპაჟის 7 წევრი.