ავსტრიაში ვიზიტის ფარგლებში საქართველოს დელეგაციამ დავით უსუფაშვილის ხელმძღვანელობით ავსტრიის ეროვნული საბჭოს მეორე პრეზიდენტთან გამართა. კარლ ჰაინც კოპფმა მიმდინარე წლის ივნისის თვეში საქართველოში ვიზიტი გაიხსენა და ავსტრიასა და საქართველოს შორის ორმხრივი ურთიერთობების მნიშვნელობაზე ისაუბრა. მხარეებმა ქვეყნებს შორის ურთიერთობის გაღრმავებაზე, საპარლამენტო მეგობრობის ჯგუფების მუშაობის გააქტიურებაზე ისაუბრეს. განიხილეს საქართველოს ევროპული ინტეგრაციის პროცესიც და კარლჰაინც კოპფმა კიდევ ერთხელ დაადასტურა, რომ ავსტრია მხარს უჭერს საქართველოს ვიზალიბერალიზაციის პროცესში. თავის მხრივ, დავით უსუფაშვილმა ავსტრიის ეროვნული საბჭოს ვიცე-სპიკერს საქართველოს პარლამენტის მიერ ევროკავშირთან ასოცირებისა და ვიზალიბერალიზაციის მიმართულებით გაწეული საქმიანობა გააცნო.
