გიორგი კვირიკაშვილი და თეა წულუკიანი ევროპარლამენტის საგარეო ურთიერთობათა კომიტეტში სიტყვით გამოვიდნენ. მხარეებმა წუთიერი დუმილით პატივი მიაგეს პარიზში ტერაქტის შედეგად გარდაცვლილთა ხსოვნას. საქართველოს პირველმა დიპლომატმა გამოსვლა სოლიდარობის გამოხატვით დაიწყო და ხაზი გაუსვა, რომ საქართველო ტერორიზმის წინააღმდეგ ბრძოლაში მსოფლიოსთან ერთიანდება. შეხვედრაზე ასოცირების შეთანხმების, თავისუფალი სავაჭრო სივრცის იმპლემენტაციის პროცესსა და მთავრობის მიერ გატარებულ რეფორმებზე ისაუბრეს. მინისტრებმა ევროპარლამენტის დეპუტატებს სავიზო ლიბერალიზაციის სამოქმედო გეგმით გათვალისწინებული სამუშაოების შესრულებაზე მიაწოდეს ინფორმაცია. მინისტრებმა მზადყოფნა გამოთქვეს, ითანამშრომლონ ევროპარლამენტთან და ევროდეპუტატებს მოუწოდეს მაქსიმალურად ჩაერთონ როგორც წინასაარჩევნო პროცესზე დაკვირვების, ისეასოცირების შეთანხმებით გათვალისწინებული გალდებულებების შესრულების მონიტორინგის პროცესში.
