ჰაკერთა ჯგუფმა Anonymous-მა ,,ისლამურ სახელმწიფოს“ ომი გამოუცხადა. პარიზში განვითარებული მოვლენების შემდეგ, მათ YouTube-ზე „ისლამურ სახელმწიფოს" მიმართ ვიდეო მიმართავა ატვირთეს.
„თქვენ უნდა იცოდეთ, რომ ჩვენ აუცილებლად გიპოვით და არ გაგიშვებთ. ჩვენ დავიწყებთ ყველაზე დიდ ოპერაციას თქვენ წინააღმდეგ. დაელოდეთ კიბერთავდასხმებს. ომი გამოცხადებულია, მოემზადეთ. ფრანგი ხალხი თქვენზე ძლიერია და ამ ძალადობის შემდეგ კიდევ უფრო გაძლიერდება".
ეს არ არის პირველი შემთხვევა, როდესაც ჰაკერთა ეს დაჯგუფება "ისლამურ სახელმწიფოს" დაემუქრა. მათ მსგავსი შინაარსის ჩანაწერები ISIS-ის წინააღმდეგ იანვარშიც გაავრცელეს, რის შემდეგაც "ისლამურ სახელმწიფოსთან" ასოცირებული 149 საიტი გატეხეს, გამოავლინეს 101 000 Twitter-ის პროფილი და 5 900 პროპაგანდისტული ვიდეო.
