ენმ პრეზიდენტს მოუწოდებს, უშიშროების საბჭოს სხდომის ფარგლებში, ქვეყნის წინაშე არსებული საფრთხეები განიხილოს. ამის შესახებ განცხადება, სპეციალურ ბრიფინგზე, ნაციონალური მოძრაობის წევრმა ირმა ნადირაშვილმა გააკეთა.
"ჩვენი უსაფრთხოების სამსახურები არ დგამენ ნაბიჯებს, რომ ქვეყანას ააცილონ მოსალოდნელი საფრთხეები. ისინი დაკავებულები არიან პოლიტიკური ოპონენტების დევნით, ოპოზიციური ტელეარხების კონტროლით. ჩვენ მივმართავთ საქართველოს პრეზიდენტს, მთავარსარდალს, რომ მოიწვიოს უშიშროების საბჭოს სხდომა აიღოს კოორდინაცია და უზრუნველყოს, რომ შესაბამისმა სამსახურებმა ამ ძალიან რთულ ვითარებაში იმუშაოს კოორდინირებულად და გადადგას ნაბიჯები საკუთარი ქვეყნის მოქალაქეების დასაცავად", - განაცხადა ნადირაშვილმა.
