გაერო -ს განვითარების პროგრამის ინიციატივით, საქართველოს პრეზიდენტის სასახლეში შეხვედრა მიმდინარეობს. პრეზიდენტის მრჩეველი, თენგიზ ფხალაძე აცხადებს, რომ გიორგი მარგველაშვილსა და ქვეყანაში აკრედტებული დიპლომატიური კორპუსის წარმომადგენლებს შორის შეხვედრაზე, საშინაო და საგარეო პოლიტიკის აქტუალური საკითხების განხილვა იგეგმაბა.
"უმთავრესი თემა, რომელსაც განვიხილავთ, არის დემოკრატიული რეფორების გზა და ის, რასაც ჰქვია საქართველოს ევროპული და ევროატლანტიკური ინტეგრაცია. ამ კონტექსტში საუბარი იქნება საშინაო დავალებებზეც. შეხვედრაზე ეთმანეთს გავუზიარებთ მოსაზრებებს აღნიშნულ საკითხთან დაკავშირებით - იცით, რომ ძალიან მნიშვნელოვანი გადაწყვეტილება უნდა იქნას საქართველოსთან დაკავშირებით მიღებული უახლოეს მომავალშიი. ასე რომ, მსგავსი ტიპის კონსულტაციები უაღრესად მნიშვნელოვანი, აუცილებელი და საჭიროა'', - განაცხადა ფხალაძემ შეხვედრის დაწყებამდე.
