ტელეკომპანია რუსთავი 2-ის დაცვის საზოგადოებრივი საბჭო ქიბარ ხალვაშს მოუწოდებს, საჩივრის საბოლოო გადაწყვეტილებამდე დაეთანხმოს დროებითი მმართველის დანიშვნის შესახებ განჩინების შეჩერებას. ამის შესახებ საზოგადოების წარმომადგენლებმა გუშინ რუსთავი 2-ის შენობასთან გამართულ საგანგებო ბრიფინგზე განაცხადეს. ისინი მოდავე მხარეებს გამოსავალს სთავაზობენ. მათი განმარტებით, მთავარი ამოცანა რუსთავი 2-ის მაუწყებლობის შეუზღუდავად გაგრძელება და ჟურნალისტების უფლებების დაცვაა. იმ შემთხვევაში, თუ ქიბარ ხალვაში საბჭოს შეთავაზებას დათანხმდება, მესამე სექტორი დარმწუნებულია, რომ ეს გადაწყვეტილება რუსთავი 2-ს გაკოტრებისგან იხსნის.
