ახალი პოლიტიკური ცენტრის - „გირჩის“ წევრი გოგა ხაჩიძე ვერ ხვდება, პრეზიდენტ გიორგი მარგველაშვილი ავლაბრის რეზიდენციიდან როგორ უნდა გამოასახლონ.
როგორც ჟურნალისტებს ხაჩიძემ განუცხადა, ის პრეზიდენტის სასახლიდან მარგველაშვილის შესაძლო გამოსახლების საკითხს სერიოზულად ვერ აღიქვამს.
„ჩემი შეგენებული ცხოვრების მანძილზე, საქართველოში ბევრი რამე ვნახე, მაგრამ ის ვერ წარმომიდგენია, პრეზიდენტს როგორ გამოსახლებენ და ამ მიზნით, მმართველმა გუნდმა რა უნდა მოიფიქროს. თუ შეთქმულების თეორიას გავყვებით, მაშინ ეს ავეჯის გადაზიდვის სერვისის საკითხია“, - განაცხადა ხაჩიძემ.
მმართველი გუნდი მიიჩნევს, რომ პრეზიდენტის სასახლე გიორგი მარგველაშვილმა უნდა დატოვოს და ის ათონელის ქუჩაზე განთავსებულ რეზიდენციაში უნდა გადავიდეს.
