საბერძნეთის პარლამენტი მომავალ კვირას საქართველო-ევროკავშირს შორის ასოცირების შეთანხმების რატიფიკაციის საკითხის განხილვას გეგმავს.
ამის შესახებ ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრს დავით ბაქრაძეს საბერძნეთის რესპუბლიკის პარლამენტის თავმჯდომარემ ნიკოლაოს ვუციმ განუცხადა.
შეხვედრა ათენში სახელმწიფო მინისტრის სამუშაო ვიზიტის ფარგლებში გაიმართა.
მხარეებმა საქართველოს ევროინტეგრაციის პროცესზე იმსჯელეს.
საბერძნეთში სამუშაო ვიზიტის ფარგლებში დაგეგმილია სახელმწიფო მინისტრის შეხვედრა დიასპორული ორგანიზაციების წარმომადგენლებთან.
“დღეს შედგა შეხვედრა პარლამენტის პრეზიდენტთან, რომელმაც დაადასტურა მზადყოფნა, რომ საბერძნეთის პარლამენტი მომავალ კვირაში პლენარულ სხდომაზე განიხილავს საქართველოსთან ასოცირების შეთანხმების რატიფიცირების საკითხს,“ - განაცხადა დავით ბაქრაძემ.
