ექსპრემიერი ბიძინა ივანიშვილი აცხადებს, რომ ნაციონალურ მოძრაობა ქვეყნის გარეთ მეგობრების შესაძენად ,,ნაძარცვ ფულს ხარჯავდა“. მისი თქმით, ამ ფულით ხდებოდა ასევე, ქვეყანაში არსებული დიქტატურის ,,აღუწერელ დემოკრატიად“ გაყიდვა.
ივანიშვილის თქმით, ენმ-ის მიერ ,,მაღლა მიტანილ“ სიცრუეზე მათ ხშირად უწევთ პასუხის გაცემა.
,,ენმ-ს აქვს მეგობრობა, უამრავი მეგობრები ჰყავს, ისინი ახერხებენ, რომ ეს ინფორმაცია მიაქვთ, რაც შეიძლება, მაღლა. ჩვენ გვიწევს პასუხების გაცემა, საზოგადოების ძალიან დიდი ნაწილისგან მე პირადადაც მომისმენია და ზოგადადაც ისმის ეთერიდან შენიშვნები, რომ რატომ ახალი გუნდი, დღევანდელი მთავრობა ვერ ახერხებს ამას და ნაციონალურმა მოძრაობამ მოახერხა. ამას აქვს მარტივი პასუხი - ენმ ვირტუალურ სამყაროს ხატავდა საქართველოში, საშინელი აღმშენებლობა და აღმაშენებელს ეჯიბრებოდა ეს კაცი, ძალიან ცუდად გადაღება პლეხანოვი და ქალაქის მშენებლობა და ა.შ, აღარ გავიხსენებ. მოკლედ, აშავებდნენ და თეთრად ყიდდნენ გარეთ, ამისთვის დასჭირდათ ასეთი სისტემის მკაცრი ჩამოყალიბება - ძარცვავდნენ მთელ ბიზნესს და მთელ მოსახლეობას, ნაძარცვი ფულით ამაგრებდნენ ამ სიცრუეს გარეთ. შიგნით ძალადობდნენ და მოსახლეობა ხმას ვერ იღებდა, რეალურად მთელი საქართველო ციხეში ჰყავდათ. გარეთ - ნაძარცვი ფულით კარგად ახერხებდნენ მეგობრების მაქსიმალური რაოდეობის შეძენასაც და იმის გაყიდვასაც გარეთ, რომ საქართველოში ნაცვლად დიქტატურისა, დემოკრატიის აღუწერელი ფორმა მიმდინარეობს და დემოკრატიზაციის ახალი ისეთი სახე შექმნა სააკაშვილმა, რომ ევროპასაც არ სიზმრებია, ასე ყიდდნენ ამას ყველაფერს გარეთ, ამაში იხარჯებოდა მათი ძირითადი დრო და ძირითადი ენერგია და ეს ნაძარცვი ფულიც ამას ხმარდებოდა”, - განაცხადა ექსპრემიერმა.
