„ნაციონალური მოძრაობის“ წევრი გიორგი ვაშაძე უმრავლესობას მოუწოდებს „ზოგადი განათლების შესახებ“ შესახებ კანონპროექტის შინაარსი გაიზიაროს, რომლის მიხედვითაც, სასკოლო ასაკi ხუთ წლამდე მცირდება.
როგორც განათლების კომიტეტის დღევანდელ სხდომაზე ვაშაძემ განაცხადა, მისი როგორც მშობელის ინტერესია, რომ საკუთარი შვილი სკოლაში ხუთი წლის ასაკიდან შეიყვანოს.
„ჩემი მიზანია, ჩემი შვილი სკოლაში ბაღის მეგობრებთან ერთად შევიდეს და მას ისევ ბაღში სიარული არ მოუწიოს. საქმე განათლების მინისტრის სიჯიუტესთან გვაქვს. ამ კანონპროექტის არმიღებით საზოგადოებას ზიანს ვაყენებთ. როგორც მშობელს მსურს, რომ ჩემი შვილი 5 წლის სკოლაში შევიდეს. ბავშვი სკოლაში იმის ხათრით მაინც შემაყვანინეთ, რომ ის 1-ელ ოქტომბერს დაიბადა“, - განაცხადა ვაშაძემ.
აღნიშნულ კანონში ცვლილებები მეორე კობა სუბელიანმა მოამზადა. ცვლილებებით, საჭიროების შემთხვევაში, მშობელი უზრუნველყოფილი იქნება ზოგადი განათლების დაწყებით საფეხურზე სწავლის დაწყების უფლებით ბავშვის 5 წლის ასაკიდან.
დღეს მოქმედი კანონით, განათლების დაწყებით საფეხურზე სწავლის დაწყების ასაკი 6 წელია. ასევე სწავლის დაწყების უფლება აქვთ იმ პირებს, რომელთაც 6 წელი მომდევნო სასწავლო წლის პირველ იანვრამდე უსრულდებათ.
