ყოფილი პრემიერ-მინისტრი ბიძინა ივანიშვილი აცხადებს, რომ არასამთავრობოთა დიდი ნაწილი სამოქალაქო საზოგადოებას აბინძურებს. ივანიშვილმა ამ კონტესტში ხაზი გაუსვა ეკა გიგაურის პიროვნებას და აღნიშნა, რომ იგი ნაციონალური მოძრაობის გაგრძელებაა.
ფარულ მოსმენებთან დაკავშირებით, არასამთავრობო სექტორის ერთი ნაწილის მიერ საკონსტიტუციო სარჩელის მომზადების თაობაზე დასმული შეკითხვის საპასუხოდ მან ასევე განაცხადა, რომ გამორიცხავს ყველანაირ ფარულ მოსმენას, რადგან უშიშროების სამსახურს ,,ისეთი კაცი უდგას სათავეში”.
"არასამთავრობოთა დიდი ნაწილი, გიგაურის ხელმძღვანელობით, რომელიც არასამთავრობოთ წარმოგვიდგა და როგორც იქნა, ახლა პოლიტიკაში თავის რეალურ სახეს გვაჩვენებს, "ნაციონალური მოძრაობის" გაგრძელებაა. საუბედუროდ, ისინი ძალიან აბინძურებენ სამოქალაქო საზოგადოებას. კარგი იქნება, დანარჩენი ნაწილიც, სამოქალაქო საზოგადოებას რომ უწოდებს თავის თავს და რეალურად "ნაციონალური მოძრაობის" სტრუქტურის ნაწილი არიან, თუ თავადაც დაარქმევენ თავის თავს სახელს, როგორც გიგაურმა როგორც იქნა გადაწყვიტა", - განაცხადა ივანიშვილმა.
