ყოფილი პრემიერის ბიძინა ივანიშვილის შეფასებით, ევროპის სახალხო პარტია, ევროსაბჭო და ეუთო უამრავ ,,უმეცარ” განცხადებას აკეთებენ., - ამის შესახებ ივანიშვილმა რუსთავი 2-თან დაკავშირებით, საერთაშორისო ორგანიზაცების მიერ გამოთქმული შეფასებების კომენტირებისას განაცხადა.
მისივე თქმით, საერთაშორისო ორგანიზაციებს ყური უნდა დავუგდოთ, თუმცა ქვეყანა გარედან არ უნდა იმართებოდეს.
"უამრავი უმეცარი განცხადება გააკეთა "სახალხო პარტიამ". ის ისეთივე აღშფოთებული იყო არჩევნების დროს, როცა მე ტელევიზორებს და მაცივრებს ,,ვარიგებდი“. იგივე ევროსაბჭომ და ეუთო- - რამდენიც გნებავთ, მაგრამ ეს არ ნიშნავს იმას, რომ უფლება გვაქვს, ყურად არ ვიღოთ მათი განცხადებები. რა თქმა უნდა, დღევანდელ მათ განცხადებებს ჩვენ დიდი ყურადღებით ვუსმენთ, ვპასუხობთ, სადაც საპასუხოა, მაგრამ ის, რასაც სააკაშვილი და "ნაციონალური მოძრაობა" თავის დროზე ახერხებდნენ, რომ გარედან უნდა იმართოს ქვეყანა, ქართველი ხალხი არავინ არ არის და არაფერს ნიშნავს, რას იტყვიან "ისინი", იმაზე უნდა ვიცეკვოთ, ასე არ იქნება და ვერც იქნება", - განაცხადა ივანიშვილმა.
