ევროკომისარი ფედერიკა მოგერინი აცხადებს, რომ ვიზალიბერალიზაციის პროცესთან დაკავშირებით პროგნოზს ვერ გააკეთებს, თუმცა დადებითი შედეგის იმედი აქვს.
საგარეო საქმეთა და უსაფრთხოების საკითხებში ევროკავშირის უმაღლესმა წარმომადგენელმა, ევროკომისიის ვიცე-პრეზიდენტმა პრემიერ-მინისტრ ირაკლი ღარიბაშვილთან შეხვედრის შემდეგ ასევე განაცხადა,რომ წლის ბოლოს ევროკომისია მოამზადებს ანგარიშს საქართველოს მიერ მიღწეულ პროგრესთან დაკავშირებით.
"გადადგმული ნაბიჯები რეალურად პოზიტიურია. ჩვენ ვერ გავაკეთებთ პროგნოზს, თუ რა შედეგი იქნება, მაგრამ ჩვენ აბსოლუტურად ვხედავთ იმ პროგრესს, რომელიც მიღწეულია გაწეული სამუშაოსა და მაღალი პოლიტიკური ნების პირობებში. დარწმუნებული ვარ, მთელი თქვენი ქვეყანა შეკრულია ამ საკითხთან დაკავშირებით", - განაცხადა ევროკომისარმა.
