ევროკავშირის უმაღლესი კომისარი საგარეო და უსაფრთხოების პოლიტიკის საკითხებში თბილისს სტუმრობს. ფედერიკა მოგერინი საქართველოში გვიან ღამით ჩამოფრინდა. აეროპორტში საგარეო საქმეთა სამინისტროს ორგანიზებით მას ოფიციალური დახვედრა მოუწყვეს. დილიდან კი ის პრეზიდენტთან, პრემიერ-მინისტრსა და საგარეო საქმეთა მინისტრთან შეხვედრებს გამართავს. მოგერინი პარლამენტის თავმჯდომარესა და დეპუტატებსაც შეხვდება. დაგეგმილია სიტყვით გამოსვლა გენდერული თანასწორობის საკითხებისადმი მიძღვნილ საერთაშორისო კონფერენციაზეც. ევროკავშირის უმაღლესი კომისარი საოკუპაციო ხაზსაც მოინახულებს.
