არასამთავრობო ორგანიზაციების წევრები და საზოგადოების წარმომადგენლები რუსთავი 2-ის შენობასთან 24 საათიან მორიგეობას აწესებენ.
ტელევიზიასთან გამართულ საგანგებო ბრიფინგზე ინიციატივის ავტორებმა განაცხადეს, რომ სურთ, „რუსთავი 2“ დაზღვეული იყოს ნებისმიერი თავდასხმისგან, პოლიტიკური თუ სხვა სახის ზემოქმედებისგან.
„ჩვენ დავდგებით ფარად, რათა ტელევიზიამ და ზოგადად, ქვეყანამ შეძლოს თავისუფალი და დემოკრატიული განვითარება, რათა შევძლოთ, რომ არც ხელისუფლება, ან რომელიმე პოლიტიკური ძალა არ გავიდეს კონსტიტუციური ველიდან და არჩევნები, რომელიც ერთ წელიწადში საქართველოში უნდა გაიმართოს, ჩატარდეს ისეთ პირობებში, რომ არ აჩენდეს ქართველი ხალხის არჩევანში ეჭვს“, - განმარტა ირაკლი საღინაძემ.
