გარემოს დაცვის მინისტრი გიგლა აგულაშვლი „პატრიოტთა ალიანსის“ ლიდერების პრეტენზიებს უსაფუძვლოს უწოდებს. მისი მტკიცებით, შუალედური არჩევნები გამჭვირვალედ ჩატარდა და საარჩევნო უბნებზე დარღვევებთან დაკავშირებით ცრუ ინფორმაციები გავრცელდა.
,,როდესაც ვინმეს რაიმეში ბრალს სდებ, ბრალმდებელს აქვს მინიმუმ ელემენტარული ბრალდების ტვირთი. ამიტომ, კონკრეტულად, უნდა დამიკონკრეტოთ, სად, როდის, ვისთან, როგორ, რა გამიყალბებია, ხალხო? არჩევნები ჩატარდა გამჭვირვალედ. დამკვირვებლები იყვნენ წარმოდგენილი - ცესკო, საოლქო კომისია. საჩივრები იყო, განიხილეს, სასამართლო პროცესები შედგა, როგორც ვიცი. ამიტომ, ყველას ვურჩევ, სამართლებრივ ჩარჩოში ჩაეტიონ. გაპროტესტების უფლება ყველას აქვს, ვერ დაუშლი, შიმშილობაც უფლებაა, ვწუხვარ, რომ სამართლებრივი ჩარჩოდან გავდივართ. მე სრული პასუხისმგებლობით შემიძლია განვაცხადო, რომ ცრუ ინფორმაცია ვრცელდება საარჩევნო უბნებზე რაღაც დარღვევებთან დაკავშირებით“, - განაცხადა მინისტრმა.
,,პატრიორთა ალიანსის“ ლიდერები თავდაცვის მინისტრსა და გარემოს დაცვის მინისტრს საგარეჯოში შუალედური არჩევნების გაყალბებაში ადანაშაულებენ და მათი გადადგომის მოთხოვნით, მთავრობის ადმინისტრაციასთან შიმშილობენ.
