დეპუტატები არ ფლობენ ინფორმაციას, თუ როდის დაიწყება პარლამენტში საარჩენო საკითხებთან დაკავშირებით, საკონსტიტუციო ცვლილებების განხილვა.
როგორც ჟურნალისტებს იურიდიულ საკითხთა კომიტეტის თავმჯდომარემ, ვახტანგ ხმალაძემ განუცხადა, პარლამენტში საკონსტიტუციო ცვლილებების პროექტის განხილვა მას შემდეგ დაიწყება, როცა ამას საჭიროდ დეპუტატები ჩათვლიან.
პარლამენტში უკვე ინიცირებულია 81 დეპუტატის მიერ მომზადებული საკანონმდებლო ცვლილებები, რომელიც მაჟორიტარული სისტემის გაუქმებასა და საპარლამენტო არჩევნების პროპორციული საარჩევნო სისტემით, მრავალმანდატიანი საარჩევნო ოლქების მიხედვით ჩატარებას ითვალისწინებს.
აღნიშნულ ცვლილებებზე დეპუტატებმა საყოველთაო-სახალხო განხილვის კომისიის ფარგლებში იმსჯელეს, თუმცა, კანონმდებლებს პარლამენტში ამ თემის განხილვა ამ დრომდე არ დაუწყიათ.
