იუსტიციის მინისტრი თეა წულუკიანი აცხადებს, რომ საქართველო ელექტრონული არჩევნების ჩასატარებლად ტექნიკურად მზად არის, თუმცა, აუცილებელია სხვა ნაბიჯების გადადგმაც, იმისთვის, რომ ეს რეალობად იქცეს.
მისი განმარტებით, სხვა ნაბიჯებში იგულისხმება საკანონმდებლო ცვლილებები, ელექტრონული პირადობის მოწმობის პოპულარიზაცია, ინტერნეტზე წვდომა მთელ საქართველოში, მათ შორის ყველა სოფელში.
,,ელექტრონული არჩევნები პირველ რიგში არჩევნებს ხელმისაწვდომს გახდის უცხოეთში მცხოვრები მოქალაქეებისთვის. ელექტრონული მმართველობის განვითარების ხელშეწყობის პროექტის ფარგლებში ჩვენ და ესტონურმა მხარემ ვიმუშავეთ იმაზე, შესაძლებელია თუ არა საქართველოში ერთ დღეს ისევე როგორც ესტონეთში ელექტრონული წესით ჩავატაროთ არჩევნები”, - დასძინა მინისტრმა ჟურნალისტებთან საუბარში, ევროკავშირის საჯარო სამსახურების დაძმობილების რიგით მეორე პროექტის გახსნის ცერემონიაზე რომელიც სასტუმრო "რედისონში"
მიმდინარეობს.
