"მშვიდად, ერთიანად, შენებით, წისვლით, "რუსთავი 2"-საც დავიცავთ, ქვეყანასაც დავიცავთ, არჩევნებსაც მოვიგებთ“, - ამის შესახებ საპატრლამენტო უმცირესობის ლიდერმა დავით ბაქრაძემ რუსთავი 2-ის შენობასთან მიმდინარე აქცია-კონცერტზე განაცხადა. მისი თქმით, მალე არავის გაუჩნდება კითხვა, თუ საით მიდის ქვეყანა.
"მშვიდად, ერთიანად, შენებით, წისვლით, "რუსთავი 2"-საც დავიცავთ, ქვეყანასაც დავიცავთ, არჩევნებსაც მოვიგებთ და აღარასოდეს ამ ქვეყანაში არავის გაუჩნდება კითხვა, საით მიდის საქართველო და რა არის ჩვენი მომავალი. იმიტომ რომ ჩვენ ყველამ ძალიან კარგად ვიცით, საით მიდის და საით მიგვყავს საქართველო. ჩვენ ყველა ერთად ავაშენებთ იმ საქართველოს, სადაც აგრესიის და ერთმანეთთან დაპირისპირების ნაცვლად ყველა ერთად ვიშრომებთ და ვიცხოვრებთ ღირსეულად", - მიმართა დავით ბაქრაძემ ტელეკომპანიასთან შეკრებილ მხარდამჭერებს.
რუსთავი 2-ის შენობასთან შეკრებილი არიან "ნაციონალური მოძრაობის” და "ევროპელი დემოკრატების" ლიდერები, ასევე, რიგითი მხარდამჭერები. ამ წუთებში ტელეკომპანიასთან "გამოუვალი მდგომარებისა" და "ნიჭიერის" მონაწილეების კონცერტი იწყება.
