ხვალ, 3 ნოემბერს, 11:30 საათზე, თბილისის საქალაქოს სასამართლოში რუსთავი 2-ის საქმეზე, მოსამართლე თამაზ ურთმელიძე გადაწყვეტილებას გამოაცხადებს.
პროცესი საპაექრო სიტყვით განახლდება, რის შემდეგაც მოსამართლე ურთმელიძე გადაწყვეტილებ0ს გამოსატანად გავა.
დღევანდელ სხდომაზე რუსთავი 2-ის იურისტმა თამთა მურადაშვილმა მოსამართლე თამაზ ურთმელიძეს მიმართა და განუცხადა, რომ მოსამართლე თავისუფალ სიტყვის წინააღმდეგ იბრძვის და ამის შესახებ მომავალში, თუკი პედაგოგიურ საქმიანობას გააგრძელებს, სტუდენტებთან საუბარი გაუძნელდება.
„თქვენ იღებთ ისტორიულ გადაწყვეტილებას და თქვენზეა დამოკიდებული როგორ შეხვალთ ისტორიაში. თქვენ შეიძლება არ მოგწონდეთ რუსთავი 2, მაგრამ ეს ჟურნალისტები ისტორიას წერენ,“ - განაცხადა თამთა მურადაშვილმა.
