ოპოზიციონერი დეპუტატი მიხეილ მაჭავარიანი მიიჩნევს, რომ „რუსთავი 2“-თან დაკავშირებით, რამდენიმე კვირიანმა პროტესტმა შედეგი გამოიღო.
როგორც ჟურნალისტებს მაჭავარიანმა განუცხადა, დღეს, საკონსტიტუციო სასამართლომ წარმოებაში მიიღო საქმე, რაც იმის გარანტიაა, რომ „ქილერი“ ქიბარ ხალვაში თავის მიზანს ვერ მიაღწევს.
„ქიბარის ხელით „რუსთავი 2“-ის განადგურების მცდელობა ხდებოდა, მაგრამ პროცესი გაგრძელდება. დარწმუნებული ვარ, მოსამართლე ურთმელიძეს, რომელიც არც დედას სცნობს და არც სამართალს, გადაწყვეტილება მიღებული აქვს. მიზანი მიღწეულია, რომ დღეს „რუსთავი 2“-ს ვერც ქიბარ ხალვაში დაეუფლება და ვერც ბიძინა ივანიშვილი“, - განაცხადა მაჭავარიანმა.
საკონსტიტუციო სასამართლომ „რუსთავი“ 2-ის სარჩელი წარმოებაში მიიღო და საქმის დაუყოვნებლივ აღსრულების ნორმის ამოქმედება გადაწყვეტილების მიღებამდე შეაჩერა.
