პარლამენტის ვიცე-სპიკერი გიორგი ბარამიძე ფიქრობს, რომ „რუსთავი 2“-თან დაკავშირებით, საკონსტიტუციო სასამართლოს გადაწყვეტილებით პოლიტიკური სიტუაცია დროებით განიმუხტა.
როგორც ბიუროს დღევანდელ სხდომაზე ბარამიძემ განაცხადა, საკონსტიტუციო სასამართლომ წარმოებაში მიიღო საქმე, რომლის დაკმაყოფილების შემთხვევაში, დაუშვებელი იქნება პირველი ინსტაციის სასამართლოში სამოქალაქო საქმეებზე დაუყონებლივი აღსრულება.
„ეს ციებ-ცხელება მოიხსნა. „რუსთავი 2“-ს დაუყონებლივ აღსრულება აღარ ემუქრება. მიუხედავად იმისა, რომ კომპანიის ყველა ანგარიში გაყინულია, ალბათ, საზოგადოების დახმარებით მუშაობის გაგრძელება შეიძლება. იმედი მაქვს, რომ შევძლებთ, ბევრად უფრო კონსტრუქციული მუშაობის რეჟიმში გადავიდეთ“, - განაცხადა ბარამიძემ.
საკონსტიტუციო სასამართლომ „რუსთავი“ 2-ის სარჩელი წარმოებაში მიიღო და საქმის დაუყოვნებლივ აღსრულების ნორმის ამოქმედება გადაწყვეტილების მიღებამდე შეაჩერა.
