საგარეჯოს მაჟორიტარი დეპუტატობის კანდიდატი თამარ ხიდაშელი აცხადებს, რომ ირმა ინაშვილს არჩევნებს უჯარმის სპეცუბნის შედეგების გათვალისწინების გარეშეც უგებს.
,,მთავარი პრეტენზია, რაც გუშინ მოვისმინეთ ქალბატონი ირმა ინაშვილის მხრიდან, ეხებოდა უჯარმის საარჩევნო ოლქს, რომელზეც დაითვალა მუხროვანის სამხედრო ბაზიდან წამოღებული ბიულეტენები. ირმა ინაშვილის შტაბის წარმომადგენლები სავარაუდოდ აპირებენ ამ უბანზე საჩივრის დაწერას, ეს მათი უფლებაა, თუმცა, მინდა, განვაცხადო, რომ უჯარმის შედეგების გათვალისწინების გარეშეც, სპეცუბნის შედეგების გათვალისწინების გარეშეც, მე ვუგებ ქალბატონ ირმა ინაშვილს”, - განაცხადა ხიდაშელმა.
შეგახსენებთ, სპეცუბნის შედეგების დათვლამდე, ორ კანდიდატს შორის სხვაობა ხიდაშელის სასრგებლოდ მხოლოდ 87 ხმა იყო.
