„ერთიანი ნაციონალური მოძრაობის“ წარმომადგენელი ზურაბ ჭიაბერაშვილი ამერიკის საელჩოს განცხადებას გამოეხმაურა და აღნიშნა, რომ განცხადება მიზნად ისახავს თავიდან აგვაცილოს ის, რაც პრემიერმა ღარიბაშვილმა დაანონსა და მთავრობა გულმოდგინეთ აკეთებს - ესაა ესკალაცია, ქვეყანაში დაძაბულობის შემოტანა, სამოქალაქო დაპირისპირების წახალისება.
„აშშ-ს საელჩომ პირდაპირ მოუწოდა ხელისუფლებას, რომ ახლა ყველაზე მთავარი პოლიტიკური სიმშვიდე და მედიის თავისუფლების დაცვაა, რადგან სწორედ სამოქალაქო დაპირისპირების ფონზე აპირებს ბიძინა ივანიშვილი ტელეკომპანია „რუსთვი 2“-ის წაღებას. ამერიკის საელჩომ ყურადღება გაამახვილა იმაზეც, რომ სიტყვის, მედიის თავისუფლება ქვეყანაში დაცული და ხელშეუხებელი უნდა იყოს.“ - განაცხადა ზურაბ ჭიაბერაშვილმა.
